2006-ci ildən başlayaraq müəllim seçimi prosesi Hazırlıq Kursunun müəllif proqramı olan "Gemuel" xüsusi proqram təminatı vasitəsi ilə keçirilir. Bu proqram müasir psixolojı-pedaqojı təcrübələrindən yararlanarkən, illər ərzində topladığımız təcrübə, araşdırmalar, müşahidələr əsasında yaradılıb və artıq bir neçə ildir öz bəhrəsini verir.

Müəllimlərin uşaqlar ilə ünsiyyət qurmaq bacarığı, tədris etdikləri fənnə maraq yaratmaq imkanları, dinləyicilərə imtahana hazırlığın incəliklərini sərbəst aşılamaq qabiliyyəti, işə qəbul zamanı əsas görürülür. Kursa müəllim qəbulunun müsabiqə şərtləri ciddi və tələbkardır fənn biliyi ilə yanaşı möhkəm tədris metodikaya yiyələnənlərə, dinləyicilərin psixoloji durumunu dərindən dərk edənlərə üstünlük verir.